தேன்மழைச்சாரல் 10

உதயணன் அதிகம் எழுதியவரில்லை. பாடலைத் தன் ஆன்மாவிலிருந்து எடுத்தெழுத முனைந்தவர். கவிஞர் உதயன் என்ற பேரில் கடைக்கண் பார்வை படத்தில் அறிமுகம் ஆனார். இந்தப் படத்தில் ஒரே ஒரு பாடலை எழுதுவதற்குத் தான் வாய்ப்புக் கிட்டியது. புலமைப்பித்தன் முத்துலிங்கம் மு.மேத்தா வைரமுத்து கங்கை அமரன் ஆகியோர் தலா ஒரு பாடல் எழுதிய படமான இதில் உதயனுக்கும் ஒரு பாடல் கிடைத்தது. அவர் எழுதிய அந்தப் பாடல் நல்ல பிரபலம் அடைந்தது.

எழுதுவேன் கவிதை ஒன்று

இந்தப் படம் வெளிவந்திருந்தால் இன்னும் பல்லாயிரம் ரசிகர்களை மிகச்சரியான முறையில் சென்றடைந்திருக்கக் கூடும். இன்றெல்லாம் கேட்டுக் கொண்டே இருக்கக் கூடிய நல்லிசைச்சாரல் இந்தப் பாடல். இதனை இசையமைத்த ஸ்ரீகுமார் மற்றும் எழுதிய உதயன் இருவருக்கும் மாபெரும் தொடக்கவெளிச்சமாக அமைந்திருக்க வேண்டிய பாடல்.