லதா எழுதி Knowrap வெளியீடாக சந்துருவின் வடிவமைப்பில் உருவாகி வெளியாகி இருக்கும் நூல் கழிவறை இருக்கை. இதன் முன்னுரையை தமிழ் மணவாளன் எழுதியிருக்கிறார். பின் அட்டைக் குறிப்புக்கள் இரண்டில் ஒன்றினை பவா செல்லத்துரையும் இன்னொன்றை குங்குமம் தோழி இதழின் துணை ஆசிரியர் மகேஸ்வரி நாகராஜனும் எழுதியுள்ளனர். சென்ற வருடம் வெளியான இந்த நூல் பரவலான வாசக கவனத்தைப் பெற்றிருக்கிறது. இதன் நூல் விமர்சனக் கருத்தரங்கம் ஒன்று மதுரை ஸ்ரீராம் மெஸ் மாடியிலிருக்கும் கருத்தரங்கக் கூடத்தில் 21.11.2021 அன்று மாலை நிகழ்ந்தது. நிகழ்வை அதீதன் வரவேற்றுத் துவக்கி வைத்தார். பன்முக ஆளுமை பாரதி கிருஷ்ணகுமார் இந்த விழாவுக்குத் தலைமை ஏற்றுச் சிறப்புரை ஆற்றினார் . நூல் குறித்துச் சுருக்கமாக உரையாற்றினேன். இந்த நூலைப் பற்றிய சீரிய அலசலை தீபா நாகராணியும் பழனிக்குமாரும் முன் வைத்தனர். லதா ஏற்புரையாற்றி நன்றியும் உரைத்தார். ஜானு இந்து இந்த நிகழ்வைத் தொகுத்தளித்தார். ஃபெலிக்ஸ் இந்த நிகழ்வினைப் படப்பதிவு செய்தார்.பேரா. ராமமூர்த்தி, எர்னெஸ்டோ,அழகுராஜா, சந்துரு, ரேவதி அழகர்சாமி,விஜய் மகேந்திரன், அரவிந்த் யுவராஜ்,வழக்குரைஞர் பா.அசோக், அய்யாச்சாமி கணேசன்,ராம்தாஸ் சென்றாயன்,செல்வம் ராமசாமி உள்ளிட்ட மதுரையின் நண்பர்கள் அனேகர் இந்த நிகழ்வில் கலந்து கொண்டார்கள்.
